Хәзер 22:33
,
16.6 °C
Хәзер 22:33
,
16.6 °C
Граждан һәм муниципаль хезмәт вакансияләренең бердәм базасы
Вакансияләрне карарга →
Чаллы Башкарма комитетына быел җылылык өчен түләү буенча чаллылылардан ун рәсми мөрәҗәгать керде. Бу хакта бүген матбугат конференциясендә Башкарма комитет җитәкчесенең беренче урынбасары Илья Зуев хәбәр итте. Ул билгеләп үткәнчә, тикшерү нәтиҗәсендә алты подъездның өчесенә генә кешеләр күчкән йорт ачыкланды.
2021 елда 1 нче сыйныфка балаларны яңа кагыйдәләр буенча кабул итәчәкләр. Үзгәрешләр турында мәгариф идарәсе башлыгы Рөстәм Хуҗин сөйләде: " Беренчедән, мәктәпләрне микрорайоннарга беркетү турында боеру документын бастырып чыгару вакыты үзгәрде. Элек бу 1 февральгә кадәр булса, хәзер 15 мартка кадәр. Ягъни бу көнне мәгариф учреждениеләрен шәһәрнең конкрет территорияләренә, районнарына беркетү турында боерык чыгарылачак. Ул басылганнан соң 10 көн эчендә мәктәпләр мәгълүмат стендына, рәсми сайтка приказ һәм беренче сыйныфка җыелу өчен буш һәм планлаштырыла торган урыннар саны турында мәгълүмат урнаштыралар ", – дип аңлатты ул.
Хәзерге вакытта Яр Чаллыда яңа коронавирус инфекциясенең лабораториядә расланган 1 621 очрагы теркәлгән. Күрсәткеч 100 мең кешегә 303,6 тәшкил итә, бу республика күрсәткеченнән 24,6% ка кимрәк. Әлеге мәгълүматларны кулланучылар хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан Республикасы буенча идарәсе территориаль бүлеге башлыгы Лемуза Нәфигуллина җиткерде.
Бүген Үзәк районында шәһәр мэры Наил Мәһдиев, Үзәк районы администрациясе башлыгы Искәндәр Галимов исеменнән Бөек Ватан сугышы ветераннарын: Вафирә Сәлахетдин кызы Вәлитованы, Нина Николаевна Колесниченко, Валентина Федоровна Сединаны, Минзифа Гайфулла кызы Фәхриеваны һәм блокададагы Ленинградны саклаучы Әхмәт Рамазан улы Сөләймановны хөрмәтләделәр. Котлауларга Шәһәр Советы депутатлары Әхәт Галәветдинов, Венера Туктарова, Илнур Исмәгыйлев, «16» комплексның ТИҮ рәисе Елизавета Глухова һәм «Оптимист 41» ТИҮ рәисе Ольга Денисова да кушылды.
19 нчы мәктәпнең яшь тимурчылары Ленинград блокадасына бәйле куркыныч вакыйгаларның шаһитлары белән очраштылар. Островский исемендәге музейга Бөек Ватан сугышы ветераннары Людмила Романовна Гадалина һәм Тамара Евгеньевна Милютина чакырылган иде.
Пәнҗешәмбе көнне Чаллыда болытлы һава, явым-төшемсез булачак. Төнлә һәм иртән томан. Җил көньяктан, көньяк-көнчыгыштан секундына 7-12 метр, урыны белән көчәйгәндә 18 метрга кадәр. Төнлә һаваның минималь температурасы -6..-9, аязган вакытта -13 градус .Көндез максималь һава температурасы -4..-7 градус. Юлларда бозлавык көчле. Татарстан Республикасы буенча Россия ГТХМ томан вакытында сәфәргә чыгуны кичектереп торуны киңәш итә. Табигатьтә актив ял итәргә яратучыларга үзләре белән төзек элемтә чаралары, навигация приборлары алу киңәш ителә. Томан юл хәрәкәтендә катнашучыларның барысына да җитди куркыныч тудыра.
Бүген Татарстан Республикасы президенты Рөстәм Миңнеханов рәислегендә Татарстан Республикасының инвестицион үсеш Агентлыгы Коллегиясенең йомгаклау утырышы узды. Татарстан Республикасының инвестицион үсеш агентлыгы җитәкчесе Талия Миңнуллина 2020 елга эш нәтиҗәләрен тәкъдим итте. Ул билгеләп үткәнчә, коронавирус инфекциясе таралу шартларында Татарстан Инвестицион климат торышы буенча илдә алдынгы позицияләрне саклап калуны дәвам итә һәм халыкара компанияләр өчен Россия базарына керүнең иң яхшы ноктасы булып кала бирә. Узган ел республика Россия төбәкләрендә инвестицион климат торышының милли рейтингында янә 2 нче урынны алды.
Бүген Россиядә Ленинградны фашист блокадасыннан тулысынча азат итү көнен билгеләп үтәләр. Ленинград блокадасын кичергән Чаллы ветераннары да әлеге истәлекле датаны күз яшьләре белән искә ала. Комсомол районында блокадалы Ленинградны узган – Марианна Селиванова һәм Жанетт Кублицкая яши. Алар шәһәр мэры Наил Мәһдиев, Татарстан Республикасы Дәүләт Советы депутаты Марсель Мингалимов һәм Комсомол районы администрациясе башлыгы Александр Кисловтан котлаулар һәм бүләкләр алдылар.
Атказанган спорт исемнәре Чаллының ике спортчысына – Рафаэль Камаловка һәм Ранис Гыйләҗетдиновка бирелде. Көрәшче Ранис Гыйлаҗетдинов "Россиянең Атказанган спорт мастеры" дигән мактаулы исемгә лаек булды. Тхэквондочы Рафаэль Камалов "Халыкара класслы спорт мастеры" исемен алды.
Дәүләт Думасы беренче укылышта мөлкәт һәм инвестиция салымнарын тотып калуларны гадиләштерүче ике закон проектын кабул итте, шулай ук физкультура-сәламәтләндерү хезмәтләренә яңа салым тотып калынуны кертә. Дәүләт Думасы депутаты, икътисад, сәнәгать, инновацион үсеш һәм эшмәкәрлек комитеты рәисе урынбасары, «Бердәм Россия» фракциясе әгъзасы Әлфия Когогина болай дип шәрехләде: « Салым түләүченең шәхси кабинеты булган гражданнар салым декларациясен бүтән тутырмаячак һәм салым органына раслаучы документлар тапшырачак. Без кабул иткән инициатива милек һәм инвестиция салымнарын тотып калуларны шактый гадиләштерә һәм тизләтә. Иң популярларының берсе – торак сатып алганда салымның бер өлешен түләмәү яки кире кайтарту мөмкинлеге. Бүген мондый хезмәтләрне онлайн, кәгазь һәм чиратларсыз рәсмиләштерү мөмкинлеге булырга тиеш. Физкультура-сәламәтләндерү хезмәтләренә яңа социаль салым тотып калынган акча пандемия вакытында аеруча актуаль, ул чакта кешеләрне сәламәтләндерү, саклау мөһим».
Бүген юл хезмәтләре Сөембикә проспектының 20 комплекс ягына илтүче җирле юлны, Тынычлык проспектының 3 комплекс ягыннан җирле юлны, Яр Чаллы проспектының 32 комплекс ягыннан җирле юлын чистарталар. Юлчылар әйтүенчә, бу кадәр карны чистарту өчен 8-9 сәгать вакыт кирәк. Шунысын да билгеләп үтәргә кирәк, Яр Чаллыда юлларны чистарту тәүлек әйләнәсенә алып барыла, шул исәптән төнлә дә. Дублер-юлларны чистарту иртәнге 7:00 дән башланачак. Бу территорияне максималь рәвештә чистарту өчен эшләнә.
Үзәк шәһәр китапханәсендә «Без төрле, әмма без бергә» дигән онлайн уены старт алды, ул ел саен үткәрелә торган «Минем төбәк һәм мин, күбрәк уйлаган саен, күбрәк саклыйм» дигән пиар-проект кысаларында уза. Проект инде дүртенче ел үткәрелә. Һәр елны катнашучы командалар Татарстан һәм Яр Чаллы шәһәре мәдәнияте, тарихы, табигате белән бәйле биремнәр үтиләр. Быел әлеге проект Татарстан Республикасында игълан ителгән Туган телләр һәм халыклар бердәмлеге елына туры китерелгән. Проект мәктәп музейлары активистларына һәм туган якны яратучыларга исәпләнгән.
Чәршәмбе көнне Чаллыда аязучан болытлы һава көтелә. Кар, юеш кар фаразлана. Төнлә һәм иртән томан көтелә. Җил көньяктан, көньяк-көнбатыштан секундына 7-12 метр, иртән һәм көндез урыны белән көчәйгәндә 16 метрга кадәр Төнлә минималь һава температурасы -6..-9 градус, аязган вакытта -13 градуска кадәр. Көндез максималь һава температурасы -3..-6 градус тирәсе. Юлларда бозлавык көчле.
Татарстан Республикасы Дәүләт төзелешен күзәтү инспекциясенең Төньяк-Көнчыгыш территориаль органы хезмәткәрләре Чаллы шәһәрендәге «Замелекесье» торак комплексының 21/16 торак йортында күчмә тикшерү үткәрде.
ИТ-паркта резидент статусын алырга теләүчеләрдән гаризалар кабул ителә башлады. Иң яхшы ИТ-карарларның авторлары икенче (ачык) этапка узачак, ул халык алдында тәкъдир итүне күздә тота. 2021 елның 13-14 февралендә чакырылган экспертлар яңа резидентлар сайлаячак. Гаризалар 7 февральгә кадәр https://itparkrt.ru/ сайтында кабул ителә. Сайлап алуда катнашу бушлай уза.
Яр Чаллыда шәһәр халкыннан ГТО Бөтенроссия физкультура-спорт комплексы нормативларын кабул итү дәвам итә. Яр Чаллыдагы рәсми тестлаштыру үзәге барлык теләүчеләрне, шул исәптән шәһәр оешмаларын ГТО комплексы нормативларын үтәүдә катнашырга чакыра. Кышкы чорда нормативларны үтәү "Яр Чаллы" спорт комплексында, "Дельфин" йөзү бассейнында һәм "Прибрежный" паркында чаңгы трассасында бара. Чараларны үтәүдә катнашу өчен тиешле үрнәктәге медицина белешмәсе булырга кирәк. Яңа ел башыннан нормативларны үтәүдә мәгариф оешмалары укучылары актив катнаша. Барлык нормативларны да алтын билгегә үтәп, абитуриентның илнең югары уку йортларына кергәндә БДИга +10 балл алу мөмкинлеге бар.
Татарстан Республикасы Гидрометеорология һәм әйләнә-тирә мохитне күзәтү идарәсе хәбәр иткәнчә, 25 гыйнварның 18:00 сәгатеннән 26 гыйнварның 18:00 сәгатенә кадәр Татарстан Республикасы территориясендә урыны белән томан, юлларда көчле бозлавык фаразлана.
Яр Чаллыда Шәһәр Советының 2017 елның 24 октябрендәге 20/8 номерлы Шәһәр Советы карары белән расланган «Яр Чаллы шәһәре муниципаль берәмлеге территориясен төзекләндерү кагыйдәләре»нә үзгәрешләр кертү турында Шәһәр Советы карары проекты буенча ачык тыңлаулар булачак. Тыңлаулар 25 февральдә 14:00 сәгатьтә Яр Чаллы шәһәре муниципаль берәмлеге Башкарма комитеты бинасында (Х.Туфан проспекты, 23 йорт), 400 залда узачак.
Яр Чаллы дәүләт педагогия университетында «Н2О» спорт-сәламәтләндерү комплексы ачылуга биш ел тулуга багышланган бәйрәм чарасы узды. Яр Чаллы дәүләт педагогия университеты укытучылары һәм студентлары белән очрашуда Дәүләт Думасы депутаты Әлфия Когогина һәм Яр Чаллы шәһәре муниципаль берәмлеге башлыгы урынбасары Ирина Сәгыйдуллина катнашты.
" Бурычларны түләттерү эшенә коронавирус пандемиясе үз төзәтмәләрен кертә. Җир кишәрлекләрен арендалаучыларга һәм муниципаль милеккә ярдәм итү максатыннан, аренда түләвеннән кичектереп тору яки азат итү тәртибен билгеләүче норматив актлар кабул ителде ", - дип шәрехләде башкарма комитетның Җир һәм мөлкәти мөнәсәбәтләр идарәсе башлыгы Ленар Гыйззәтуллин.
