Граждан һәм муниципаль хезмәт вакансияләренең бердәм базасы
Вакансияләрне карарга →
«Шәһәрне яшелләндерү хуҗалыгы» теплицаларында лаләләр чәчәк атып килә. Хәзер аларны кисәләр һәм 8 мартка әзерлиләр. Быел 170 мең лалә чәчәкләре үстергәннәр, бу узган ел белән чагыштырганда 50 меңгә күбрәк.
2 һәм 3 мартта «КАМАЗ» мәдәният сараенда «Созвездие-Йолдызлык» ачык республика яшьләр эстрада сәнгате телевизион фестиваленең зональ туры узачак.
Автозавод районында Халыкара туган тел көне уңаеннан тематик чаралар үткәрелде.
Комсомол районында, язның беренче көнендә, «Огниво» 16 нчы балалар иҗат үзәгендә «Яз һәм хатын-кыз аерылгысыз!» дип исемләнгән Халыкара хатын-кызлар көненә багышланган чара узды. Чарада катнашучыларны Комсомол районы хакимияте башлыгы вазыйфаларын башкаручы Фидәрис Хәбибуллин сәламләде. «Сезгә чын күңелдән күтәренке кәеф һәм барлык башлангычларыгызда уңышлар телим. Сезгә һәм якыннарыгызга сәламәтлек, гаилә иминлеге һәм игелек насыйп булсын!» ,- диде ул.
«LADY MAMA-2022» – уникаль матурлык фестивале. Ел саен үткәрелә торган конкурсның финалы 4 мартта «Нур» яшьләр үзәгендә узачак. Башлана 16:00 сәгатьтә.
«Дельфин» спорт-сәламәтләндерү комплексында Яр Чаллы шәһәренең медицина хезмәткәрләре арасында йөзү буенча турнир узды. Спорт чарасы «Сәламәтлек-2022» Спартакиадасы кысаларында сәламәт яшәү рәвешен формалаштыру, сәламәтлек саклау оешмалары хезмәткәрләренең сәламәтлеген саклау һәм ныгыту, аларны даими рәвештә физик культура һәм спорт белән шөгыльләнүгә җәлеп итү максаты белән оештырылды.
Яр Чаллыда ирләр командалары арасында волейбол буенча "Динамо" ФСО Яр Чаллы Шәһәр Советы кубогына муниципальара Чемпионат тәмамланды.
Яр Чаллыда "Татарстан Республикасында яшь гаиләләрне торак белән тәэмин итү" программасы буенча сертификатлар тапшырылды. Чаллы гаиләләренә торак алу өчен социаль түләү алу хокукы турындагы таныклыкларны Башкарма комитет җитәкчесе Фәрид Салахов тапшырды.
«Этюд» спорт мәктәбендә "Белая Ладья" мәктәп командалары арасында шахмат буенча Татарстан Республикасы Беренчелеге узды. Стартка Актаныш, Баулы, Бөгелмә, Минзәлә, Түбән Кама һәм Яр Чаллы шәһәрләреннән сигез команда чыкты.
Комсомол районында Евгений Никанорович Батенчук һәйкәле янында Яр Чаллы төзүчесе, КамГЭСэнергостройның беренче директоры тууына 108 ел тулу уңаеннан чәчәкләр салу тантанасы узды. Легендар төзүчене искә алырга Социалистик Хезмәт Герое, шәһәрнең Мактаулы гражданнары, Шәһәр Советы депутатлары, «КамГЭСэнергострой» предприятиесе ветераннары, шәһәрнең төзелеш предприятиеләре җитәкчеләре һәм хезмәткәрләре килде.
Татарстан Республикасы территориясендә 28 февральдә көннең икенче яртысында, төнлә һәм көндез 1 мартта урыны белән томан көтелә.
Университет базасында «Җиңүгә юл» дип исемләнгән хәрби-тарихи уен өченче ел үткәрелә. Оештыручылар – тарих-география факультеты студентлары, университетның «Җиңү варислары» хәрби-тарихи клубы катнашучылары. 2 ел дәвамында уен Яр Чаллы шәһәре мәктәпләренең 9-11 сыйныф укучылары арасында үткәрелде.
Яр Чаллы салым инспекциясе 17 меңнән артык юридик затны, 14 мең шәхси эшмәкәрне һәм ярты миллионнан артык физик затны колачлый. Узган ел 1221 юридик зат һәм 3314 шәхси эшмәкәр салым исәбенә куелган. «Шул ук вакытта безнең шәһәрнең 1652 оешмасы һәм 591 шәхси эшмәкәре гамәлдә булмаган, яки салым түләүчеләрнең бердәм дәүләт реестрында дөрес булмаган мәгълүматлар булган кешеләр буларак Бердәм дәүләт реестрыннан төшереп калдырылды», - дип хәбәр итте салым инспекциясе башлыгы Диана Сагетдинова.
Салым инспекциясе эшчәнлеге нәтиҗәләре турында мэриядә узган иртәнге киңәшмәдә Диана Сәгетдинова сөйләде.
Пандемия башланганнан бирле Яр Чаллыда яңа коронавирус йогышының лабораториядә расланган 13 871 очрагы теркәлгән. Бу күрсәткеч 100 мең кешегә 240,3 тәшкил итә, бу республика буенча уртача күрсәткечтән 11,4%ка түбәнрәк.
28 февраль көнне Татарстан Республикасы территориясендә һәм Казан шәһәрендә урыны белән төнлә һәм иртән томан, бозлавык; төнлә һәм көндез юлларда көчле бозлавык көтелә.
Бүген шәһәр Ипподромында 26 нчы традицион хәйрия «Салават Кубогы» ярышлары узды.
26 һәм 27 февральдә шәһәр «Ипподромы»нда яңартылган трассада 26 нчы тапкыр «Салават Кубогы» ярышлары, аның кысаларында «1400», «1600» һәм «Ирекле» дисциплиналарында Россия чемпионаты узачак.
Бүген балалар техник иҗат үзәге базасында «Электроника» компетенциясе буенча Worldskills Региональ чемпионатының муниципаль этабы узды. Ярышларда шәһәрнең 10 гомуми белем бирү һәм өстәмә белем бирү учреждениеләре укучылары катнашты: 57 нче гимназия, 77 нче гимназия, 15 нче мәктәп, 19 нчы мәктәп, 48 нче мәктәп, 58 нче мәктәп һәм 5 нче балалар техник иҗат үзәге, 1 нче шәһәр балалар һәм яшьләр иҗат сарае.
Бүген Татарстан Республикасы президенты Яр Чаллы шәһәренә эш сәфәре кыла. Ул 2021 елда социаль-икътисадый үсеш йомгаклары һәм 2022 елга бурычлары буенча Шәһәр Советы утырышында катнашты.
