Сорау - җавап

Граждан елсына 1 тапкыр медицина оешмасын алыштырырга хокуклы. Моның өчен сайланган поликлиниканың регистратурасына паспорт, ОМС полисы һәм СНИЛС белән килеп, баш табиб исеменә гариза язарга кирәк. Теркәлү хезмәте РФ Дәүләт хезмәтләре порталында электрон рәвештә дә бар.

Медицина үзәкләренең (БСМП, КДМЦ) тар белгечләренә юлламаны медицина күрсәткечләре булганда Сезнең теркәлгән урын буенча поликлиниканың участок терапевты яки педиаторы гына бирә. Түбәндәге белгечләргә генә турыдан-туры язылырга була: терапевт, педиатр, хирург, офтальмолог, оториноларинголог һәм стоматолог.

Сәламәтлекне теркәлгән урын буенча поликлиниканың медицина профилактикасы кабинетында тикшерергә мөмкин. 18 яшьтән 39 яшькә кадәрге кешеләргә диспансеризация 3 елга бер тапкыр, 40 яшьтән соң — ел саен тиеш. Комплекска базаль анализлар, флюорография, ЭКГ, кан басымын үлчәү һәм профильле табиблар тикшерүе керә.

Чакырулар көн саен поликлиникагызның бердәм контакт-үзәге яки регистратура телефон номеры аша 7:30дан 12:00гә кадәр кабул ителә (шимбә көнне — дежур табиб графигы буенча). Чакыруны иртәнге сәгатьләрдә ТР Дәүләт хезмәтләре порталы аша да рәсмиләштерергә була. Ашыгыч хәлләрдә чакырулар озаграк кабул ителә.

Ташламалы медикаментларга электрон рецептны расланган ташлама (федераль яки төбәк) булганда поликлиникадагы дәвалаучы табиб яза. Дарулар «Таттехмедфарм» челтәренең махсус дарыханәләрендә бирелә, аларның адресларын һәм препаратлар барлыгын табиб кабул иткән вакытта әйтәчәк.