Граждан һәм муниципаль хезмәт вакансияләренең бердәм базасы
Вакансияләрне карарга →
Шәһәр студентлар советы "Коррупциягә - юк дип әйт!" белем бирү квесты үткәрде. Анда «Саулык» сәламәтләндерү комплексының «Крылатый» лагеренда ял итүче балалар катнашты. Квест коррупциягә каршы тематика белән бәйле 10 станциядән торды.
Россиядә педагог һәм остаз елына багышланган чаралар кысаларында "Мәрхәмәт-Милосердие" берләшмәсенең Шәһәр Советы хатын-кыз депутатлары Яр Чаллы дәүләт педагогия университетын тәмамлаучыларга дипломнар тапшыру тантанасында катнаштылар.
Аппарат киңәшмәсе барышында шәһәр мэры Наил Мәһдиев хәзерге вакытта балалар белән куркынычсызлык техникасы буенча аңлату эшләре алып барырга кирәклеген билгеләп үтте. Бу, шул исәптән, судагы тәртипкә дә кагыла. "Сәламәтләндерү лагерьларында суда үзеңне тоту кагыйдәләрен аңлату зарур. Бу - балалар күпләп җыелган урын, шул форсатны кулдан ычкындырмый, аңлату эшләре үткәрергә, өлкәннәрне иң борчыган нәрсә: балаларның тормышын саклап калу турында сөйләргә кирәк", - дип билгеләп үтте шәһәр мэры.
"Демография" илкүләм проектының «Мәшгульлеккә ярдәм итү» федераль проекты кысаларында белем алу гражданнарга хезмәт базарында үзләрен эзләү өчен инструментарий бирә", - дип билгеләп үтте аппарат киңәшмәсе барышында «Чаллы шәһәре халыкны эш белән тәэмин итү үзәге» дәүләт казна учреждениесе директоры Татьяна Быданова.
Агымдагы елда балигъ булмаган гражданнарны вакытлыча эшкә урнаштыру программасын гамәлгә ашыруга 19,3 млн сумнан артык акча бүлеп бирелгән, - дип хәбәр итте Аппарат киңәшмәсе барышында мәшгульлек үзәге директоры Татьяна Быданова.
76 нчы гимназиянең рус теле һәм әдәбияты укытучысы Антон Ермаков БДИда 100 балл җыйган 11 сыйныфны тәмамлаучы өч укучыны әзерләде. Антон Евгеньевичның ике укучысы рус теленнән БДИда иң югары балл ала, бер чыгарылыш укучысы рус әдәбияты буенча.
Чаллылылар республика халкын татарча язылган элмә һәм мәгълүмат такталарындагы хаталарны ачыклауга җәлеп итү конкурсына кушыла ала. 1 февральдән 1 сентябрьгә кадәр уза торган конкурста дәүләт хезмәтләре порталында теркәлгән барлык татарстанлылар катнаша алачак.
Бердәм дәүләт имтиханын тапшыру нәтиҗәләреннән күренгәнчә, 2023 елда рус теле буенча иң югары баллны 10 чыгарылыш укучысы җыйган:
76 нчы гимназияне тәмамлаучы Никита Силин рус әдәбияты һәм инглиз теле буенча БДИдан 100әр балл җыйды. Никита инглиз теле буенча Бөтенроссия укучылар олимпиадасының төбәк этабы призеры булып тора.
3 июльдә Чаллы, Яшел Үзән, Түбән Кама, Әлмәт һәм Бөгелмә районнарында «Безнең ишегалды уеннары» лагере старт ала. Бу йорт янындагы ишегалдында урнашкан балалар лагерына альтернатива.
"Ата-аналар ягыннан зарланулар юк," -дип хәбәр итте Башкарма комитет җитәкчесе урынбасары Рамил Хәлимов.
Бүген шәһәр мэры Наил Мәһдиев гимназистлар чыгарылыш кичәсенең хөрмәтле кунагы булды. 76 нчы гимназия Орган залында тантаналы чара үткәрде. 40 чыгарылыш укучысы аттестатлар алды, шуларның өчесе – урта гомуми белем турында кызыл аттестатка ия булды. Рус теленнән и ке укучы кыз 100 балл җыйган - Анна Елисеева һәм Динә Нуриева, ә Никита Силин рус әдәбияты буенча 100 балл алган.
3 нче балалар музыка мәктәбендә тәрбияләнүче София Балаева П. И. Чайковский исемендәге Мәскәү дәүләт консерваториясе каршындагы Үзәк музыка мәктәбенең 8 классына укырга керә. Бу бөтен дөньяга билгеле булган уникаль уку йорты, ул аеруча сәләтле балаларны комплекслы укыту өчен билгеләнгән. Мәктәпне тәмамлаучылар арасында исемнәре дөнья музыкаль мәдәниятенең горурлыгын тәшкил иткән искиткеч музыкантлар бар: Денис Мацуев, Владимир Ашкенази, Леонид Коган, Владимир Спиваков, Михаил Плетнев һәм башкалар.
Чаллыда җаваплы башкаручылар тарафыннан мәктәп яны, шәһәр читендәге лагерьларның эшен тәэмин итүне тикшерү дәвам итә.
Яр Чаллыда Яшьләр көнен бәйрәм итү барышында РФ Дәүләт Думасы депутаты Әлфия Когогинаның исемле стипендиясе тапшыру өчен «Яшьләр оешмасының иң яхшы җитәкчесе» конкурсында җиңүчеләрне бүләкләү узды.
22 июньдә Хәтер һәм матәм көнендә Алабуга районының Тарловка бистәсендә Бөек Ватан сугышы корбаннары мемориалына чәчәкләр салынды. Чарада беренче тапкыр Яр Чаллы дәүләт педагогия университеты студентлары һәм 9, 39, 42 һәм 58 мәктәп укучылары катнашты. Алар - "Бердәм Россия" партиясенең Чаллы җирле бүлекчәсе проектында катнашучылар. Уку елы дәвамында бу балалар архив мәгълүматларын кулланып, эзләү эшчәнлеген алып барырга өйрәнгәннәр, Интернет челтәрендә мәгълүмат эзләгәннәр. Алар сугышта катнашучыларның язмышлары турында мәгълүмат эзләгәннәр. Аерым алганда, Бөек Ватан сугышы елларында Тарловка бистәсенең 4089 нчы эвакуация госпиталендә дәваланган 330 солдат турында, кызганычка каршы, ул солдатлар исән калмаган. 1978 елда биредә үлгән сугышчыларны зиратның үзәк өлешендәге туганнар каберлегендә күмеп куялар һәм 151 сугышчының исеме белән мемориал урнаштыралар. Хәзерге вакытта эзләү эшләре барышында Тарловка госпиталендә вафат булган 172 сугышчының исемнәре ачыкланган.
Кичә "Заман" яшьләр үзәгендә Бөек Ватан сугышына багышланган "Хәтер саклаучы" интеллектуаль уены белән тематик чара узды. Конкурста 77нче гимназиядән 9 команда составында 7-10 сыйныф укучылары катнашты: "Две семёрочки", "Физики", "Пифагоры", "Удача", "Лирики", "Буквоеды", "Аксиома", "Инфознайки", "Питоны". Бу чара Бөек Ватан сугышында Ватаныбызны саклаучыларның батырлыгына, фронт җырына, аның ничек исән калырга ярдәм итүе, сугышчыларны рухландырган һәм җиңүгә алып баруы турында. Конкурста өч тема буенча биремнәр бар:"Сугыш еллары җыры"; "Полевая почта"; "Знатоки".
Чаллы балалар бакчалары Белгород өлкәсе халкы өчен гуманитар ярдәм җыюга кушылды. Мәктәпкәчә учреждениеләр хезмәткәрләре, тәрбияләнүчеләр һәм аларның әти-әниләре «Бердәм Россия» партиясенең Чаллы җирле бүлеге игълан иткән хәйрия акциясендә иң актив катнашучыларның берсе булды. Чик буе территорияләрендә яшәүчеләргә гуманитар ярдәм җыю кысаларында алар тиз әзерләнә торган ризыклар, су, балалар азыгы, шәхси гигиена чаралары, хайваннар өчен азык һәм аш-су савытлары белән посылкалар әзерләгәннәр. Мондый авыр вакытта һәркемгә, бигрәк тә зыян күргән территорияләрдә яшәүчеләргә, ярдәм кирәк, дип билгеләп үтте тәрбиячеләр һәм балалар бакчалары мөдирләре.
Комсомол районының 10 нчы мәктәбе спорт мәйданчыгында мәктәпьяны лагерьларында ял итүче балалар арасында традицион җәйге Спартакиада узды. Ярышлар Комсомол районы администрациясе тарафыннан 15 нче балалар иҗат йорты белән берлектә оештырылды. Ярышларда 12 команда катнашты.Катнашучыларның яшь категориясе 8-10 яшь. Балалар күңелле команда эстафеталары узды, һәр яшь спортчы күңел күтәренкелеге һәм татлы приз алды.
Бүген Шәһәр Советының "Мәрхәмәт-Милосердие" берләшмәсе хатын-кыз депутатлары балалар һәм яшьләрнең ялын, сәламәтләнүен оештыру максатыннан «Саулык» сәламәтләндерү комплексында булдылар. Алар "Саулык" комплексына кергән өч лагерьны карадылар.
