Бүген Халыкара фашист концлагерьлары тоткыннарын азат итү көне. Быел да, элеккечә, бу кайгылы көн безгә һәлак булган миллионлаган гомерләрне һәм барысына да каршы торып исән калганнарны искә төшерә.
Үзәк районында бүген 6 элекке тоткын – балачаклары фашист төрмәләрендәге әсирлек белән өзелгән кешеләр яши. Аларның һәрберсенең үзенең гаҗәеп һәм фаҗигале тарихы бар, ул ышанырлык булмаган сынаулар, югалтулар ачысы һәм сынмаган рух көче белән тулы.
Истәлекле датада ветераннар янына Үзәк районы хакимияте башлыгы Фидәрис Хәбибуллин, Шәһәр Советы депутатлары Руслан Мостафин һәм Андрей Елантьев хәл белергә барды. Алар рәхмәт сүзләрен җиткерделәр, истәлекле бүләкләр тапшырдылар һәм ныклы сәламәтлек теләделәр. Чара «Гаилә» илкүләм проектының максатларына һәм бурычларына туры китереп үткәрелә.