Бүген Азатлык мәйданында массакүләм спорт чарасы – гомумшәһәр иртәнге зарядкасы узды. Акция Бөтендөнья сәламәтлек көне кысаларында оештырылды һәм «Озын һәм актив тормыш» милли проектының максатларына һәм бурычларына туры килә.
Чараның төп максаты – сәламәт яшәү рәвешен популярлаштыру һәм җәмәгатьчелекнең игътибарын медицина белгечләренең киңәшләренә җәлеп итү. Акциядә төрле социаль һәм яшь төркемнәре вәкилләре катнашты. Иртәнге гимнастика комплексын үтәүгә шәһәр Башкарма комитеты хезмәткәрләре, югары һәм урта махсус уку йортлары студентлары, шулай ук шәһәр спорт мәктәпләре тәрбияләнүчеләре кушылды. Катнашучылар тормыш тонусын күтәрүгә юнәлдерелгән физик күнегүләр комплексын уңышлы башкарды.