Шәһәр төзелеше, шәһәр инфраструктурасын һәм торак-коммуналь хуҗалыгын үстерү мәсьәләләре буенча даими комиссия түбәндәге юнәлешләр буенча шәһәр Советы карамагындагы мәсьәләләрне алдан карый һәм әзерли:
- шәһәрнең генераль планын раслау, шул исәптән аңа үзгәрешләр кертү турында;
- җирдән файдалану һәм шәһәр төзелеше кагыйдәләрен раслау;
- шәһәр төзелешен проектлауның җирле нормативларын әзерләү һәм раслау тәртибен билгеләү;
- шәһәр территориясен төзекләндерү кагыйдәләрен раслау;
-урам-юл челтәре элементларына, шәһәрнең планлаштыру структурасы элементларына исемнәр бирү, мондый исемнәрне үзгәртү һәм юкка чыгару;
- биналарны һәм корылмаларны карау тәртибен билгеләү;
- шәһәр чикләрендә әйләнә-тирә мохитне саклау чараларын оештыру;
- шәһәр урманнарыннан, шәһәр чикләрендә урнашкан махсус сакланылучы табигать территорияләре урманнарыннан файдалану, саклау, яклау, аларны торгызу;
- муниципаль берәмлек территориясе чикләрендә халыкка транспорт хезмәте күрсәтүне оештыру тәртибен билгеләү;
- муниципаль берәмлек чикләрендә Халыкны электр, җылылык, газ, су белән тәэмин итүне, су чыгаруны, халыкны ягулык белән тәэмин итүне оештыру;
- коммуналь комплекс оешмалары товарларына һәм хезмәт күрсәтүләренә тарифларны җайга салу тәртибен билгеләү;
- ритуаль хезмәт күрсәтүләрне оештыру һәм күмү урыннарын карап тоту;
- шәһәр чикләрендә җирле әһәмияттәге автомобиль юлларына карата юл эшчәнлеген гамәлгә ашыру, парковкалар (парковка урыннары)булдыруны һәм аларның эшләвен тәэмин итүне дә кертеп;
- җирле әһәмияттәге автомобиль юлларының сакланышына муниципаль контрольне гамәлгә ашыру тәртибен билгеләү;
-җирле әһәмияттәге дәвалау-савыктыру урыннарын һәм курортларны булдыру, үстерү һәм саклауны тәэмин итү;
- җирле әһәмияттәге махсус сакланылучы табигать территорияләреннән файдалану һәм аларны саклау өлкәсендә муниципаль контрольне гамәлгә ашыру;
- каты коммуналь калдыкларны туплау (шул исәптән аерым туплау), җыю, ташу, эшкәртү, утильләштерү, зарарсызландыру, күмү эшчәнлеген оештыруда катнашу;
- су объектларында кешеләрнең иминлеген тәэмин итү, аларның гомерен һәм сәламәтлеген саклау чараларын гамәлгә ашыру;
- гомуми файдаланудагы су объектларыннан файдалану кагыйдәләрен билгеләү;
Даими комиссия шәһәр Советы карамагындагы башка мәсьәләләрне карый.
