Бүген шәһәрдә яңа сезонның авыл хуҗалыгы ярминкәләре эшли башлады. Сәүдә рәтләре шәһәр халкы өчен һәр шимбә өч популяр мәйданчыкта — Г. Тукай яр буенда («Төзүче» стадионы каршындагы мәйданда), Ипподромда һәм «Южный» агросәнәгать паркында ачык булачак.
Ярминкәләр ачылуга Татарстан Республикасының 10 муниципаль районыннан авыл хуҗалыгы товар җитештерүчеләре киң ассортименттагы продукция алып килде. Сатуда сыер ите, балык, шулай ук кош ите — тавык, каз, үрдәк һәм күркә ите тәкъдим ителә. Моннан тыш, сәүдә нокталарында традицион товарлар да мулдан: яңа савылган сөт продукциясе, шул исәптән төрле сырлар һәм атланмай, фермерлар җитештергән казылык эшләнмәләре, хуш исле бал, шулай ук икмәк ризыклары бар.
Киләсе ярминкәләр 7 мартта расланган ярминкә мәйданчыкларында узачак.