Хөрмәтле шәһәребезнең православие динендәге халкы!
Сезне чын күңелдән бөек һәм якты Пасха бәйрәме белән котлыйм!
Пасха — православие динендәгеләрнең бердәмлекне аеруча нык тоеп, шәфкатьлелек көчен һәм дулкынландыргыч җылылыкны сизә торган вакыт. Традицион кыйммәтләр — ышаныч, өмет, мәхәббәт, гаилә, өлкәннәргә хөрмәт, якыннарың турында кайгырту — дин тотуга карамастан, һәрвакыт рухи тормышның нигезе һәм нык, сәламәт җәмгыятьнең терәге булды һәм булып кала.
Якты Пасха бәйрәме һәр йортка тынычлык, иминлек һәм шатлык алып килсен, иман йөрәкләрне ныгытсын, ә мәхәббәт күңелләрне тулыландырсын. Сезгә ныклы сәламәтлек, бәхет һәм барлык изге башлангычларыгызда уңышлар телим!
Якты Пасха бәйрәме белән!
Яр Чаллы шәһәре мэры
Н.Г. Мәһдиев